.png)
Deputetja e Partisë Demokratike, Jorida Tabaku, ka reaguar me një postim në faqen e saj në Facebook, në lidhje me paratë e shpenzuara nga të gjithë shqiptarët për kurimin nga Covid-19, që sipas saj, kapin shifrën e 30 milionë eurove.
Deputetja Tabaku ka publikuar disa statistika dhe ka shkruar se nga 30 milionë euro të shpenzuara nga qytetarët për ilaçe, qeveria ka rimbursuar vetëm 231 mijë euro.
“Shqiptarët kanë shpenzuar 30 milionë euro për ilaçe dhe mjekime gjatë pandemisë, ndërsa qeveria u ka rimbursuar qytetarëve veç 231 mijë euro. As 1% e vlerës së harxhuar nuk ka shkuar për të ndihmuar qytetarët.
Fytyra e vërtetë e një qeverie që politikën nuk e përdor për t’u shërbyer qytetarëve, por për t’u pasuruar vetë. Jemi vendi me varfërinë më të lartë në rajon dhe me pagat më të ulëta. Kjo nuk mund të jetë mënyra se si qeveriset vendi ynë”, – shkruan Tabaku në profilin e saj në Fcaebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje