.png)
Sali Berisha mbushi të premten 77 vjeç. Urimi për të publik nuk ka ardhur nga PD-ja por nga Presidenti i Republikës, Ilir Meta.
“Sot e urova përzemërsisht Prof. Dr. Sali Berishën me rastin e 77-vjetorit të lindjes!
Për më tepër, që numri 77 sipas Biblës është edhe simbol i përsosmërisë!”, shkruan me superlativa Meta.
Vetë Berisha në një postim në faqen e tij në Facebook, thotë se ky vit është i veçantë për të, pasi e gjen me një mision të ri për PD-në.
“Miq, sot jam 77 herë i lumtur sepse kjo ditëlindje më gjen:
Më të motivuar se kurrë në mbrojtjen e të vërtetave që unë besoj dhe,
Në një mision të ri, jetik dhe vendimtar për fatin e Partisë Demokratike dhe demokracisë në Shqipëri!
Mirënjohje të pakufishme të Gjithfuqishmit, familjes time, miqve dhe mbështetësve të mi në Shqipëri dhe kudo që janë, të cilët me besimin dhe mbështetjen e tyre bëjnë të mundur të përmbushim së bashku këtë mision! Lavdi Zotit!”, shkruan Berisha
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje