.png)
Nënkryetari dhe kreu i grupit parlamentar të Partisë Demokratike, Alfred Rushaj u takua me banorët e zonës së “5 Majit” në Tiranë, të cilët preken nga projekti i rindërtimit.
Ai tha se Qeveria ka shkelur ligjin dhe kushtetutën, duke u prishur shtëpitë pa shpërblim paraprak, e po tallët me rreth 5 mijë banorë të zonës me kontratat e qirasë.
“Kontrata është një turp. Aty thuhet po ta prish shtëpinë dhe të premtoj se pak më vonë do të të them, nëse do të marrësh, apo jo shtëpi, kur, ku dhe si do ta marrësh. Duhet lexuar kontrata për të parë sesi qeveria tallet me njerëzit”, deklaroi Rushaj.
Ndërkohë, vetë banorët e zonës së “5 Majit” thonë se legalizimet për ta janë bllokuar enkas për t’u marrë pronat. Ata thonë se nuk kanë firmosur për prishjen e shtëpive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje