.png)
Vendet perëndimore në Këshillin e Sigurimit të OKB-së dënuan Bjellorusinë për krizën kufitare me Poloninë. Estonia, Franca, Irlanda, Norvegjia, SHBA dhe Britania e Madhe, kanë dënuar “shfrytëzimin e orkestruar të qenieve njerëzore” me qëllim “destabilizimin e kufirit të jashtëm të Bashkimit Europian”.
Presidenti i Bjellorusisë, Lukashenko, e kishte kërcënuar BE-në me ndërprerje të furnizimit me gaz në rast të sanksioneve të reja.
Objektivi i Bjellorusisë, nënvizuan vendet perëndimore, është gjithashtu ai i “destabilizimit të kombeve fqinje” dhe “tërheqjes së vëmendjes nga shkeljet në rritje të të drejtave të njeriut”.
Situata, “tregon sesi regjimi i Aleksandër Lukashenkos është bërë një kërcënim për stabilitetin rajonal, – shtuan ata. – Ne kërkojmë nga autoritetet bjelloruse që t’u japin fund këtyre veprimeve çnjerëzore dhe të mos rrezikojnë jetët e njerëzve”.
Ndërkohë, lideri autoritar bjellorus Lukashenko, të enjten lëshoi një paralajmërim të ri kundër BE-së, duke kërcënuar vendet e bllokut për ndalimin e kalimit të gazit nëpër tubacione.
“Ne ofrojmë ngrohje për Evropën, por ata kërcënojnë të mbyllin kufirin. Po sikur të bllokojmë gazin natyror atje?”, – tha ai, duke vënë në dukje se Minsku do t’i përgjigjet sanksioneve të reja që vijnë nga Brukseli.
I menjëhershëm erdhi edhe qëndrimi i Rusisë, e cila u mbrojt para OKB-së, duke deklaruar se nuk po i ndihmon emigrantët të grumbullojnë kufirin mes Bjellorusisë dhe Polonisë.
Këtë e bëri të ditur zëvendës-ambasadori rus në OKB, Dmitry Polyanskiy: “Jo, absolutisht jo”, tha ai për ndihmën e mundshme për migrantët gjatë takimit urgjent me dyer të mbyllura të Këshillit të Sigurimit.
Dhe mbi lëvizjet e avionë luftarakë në qiejt e Bjellorusisë, Polyanskiy shpjegoi se ishte një “përgjigje ndaj vendosjes masive” të rojeve të armatosura polake në kufi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje