.png)
Luixhi Di Maio, Ministri i Jashtëm i Italisë, gjatë një deklarate të përbashkët me kryeministrin e Shqipërisë, Edi Rama, u shpreh se mbështet vendin tonë në rrugën drejt integrimit në BE.
“Konfirmoj mbështetjen tonë për Shqipërinë dhe popullin shqiptar në rrugën drejt BE-së. E mbështesim hapjen e negociatave. Diskutimi që patëm në komitet ishte frytdhënës dhe muajt e ardhshëm kemi si objektiv që idetë t’i realizojmë.
Mbështesim hapjen e negociatave për anëtarësim para fundit të vitit, çka do të ishte një mesazh besimi për gjithë rajonin e Ballkanit. Sot ramë dakord për një plan veprimi për të gjitha angazhimet që kemi ndërmarrë në të gjithë sektorët. Italia është klienti i parë i Shqipërisë dhe kjo na bën krenarë.
Tema e tranzicionit ekologjik dhe ndërhyrja që ka bërë Italia, prania në tregun shqiptar dhe perspektiva nëpërmjet linjës së interkonjeksionit Shqipëri-Mali i Zi, na çojnë në këtë drejtim”, – theksoi mes të tjerash Di Maio.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje