.png)
Në 31 vjetorin e themelimit te PD-së, në situatën më të pazakontë të Partisë Demokratike ku njëra pjesë është mbledhur ne Air Albania për të votuar shkarkimin e tij, Lulzim Basha nga selia blu ka njoftuar se do të mbledhë edhe ai demokratët në festë në selinë e PD-së në mesditë.
Më rastin e 31 vjetorit të themelimit, në oborrin e selisë së partisë është vendosur edhe një memorial që mban firmat e firmëtarëve të themelimit të Partisë Demokratike.
Memoriali do të zbulohet sot në orën 12:00 në një ceremoni ku kryetari Lulzim Basha do të ketë edhe një prononcim.
Ndërkohë Sekretari i PD, Gazment Bardhi ka mbërritur pak para orës 10:00 në ambientet e selisë blu e pritet që aty të mblidhen në vijim demokratët e ftuar nga kryedemokrati për të festuar 30-vjetorin e themelimit të partisë së parë opozitare.
Në hollin e selisë së Partisë Demokratike do të zhvillohet edhe një ceremoni.
“Demokracia u transformua nga një koncept në një ideal të pathyeshëm më 11 dhjetor 1990, në ditën kur vlerat dhe liria e shqiptarëve triumfuan mbi gjithçka! Le të kremtojmë së bashku këtë ditë të shënuar”, shkruhet në ftesën e Bashës drejtuar demokratëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje