.png)
Berisha do të nisë protestën e thirrur kundër Ballkanit të Hapur dhe korrupsionit nga selia e Partisë Demokratike, edhe pse Lulzim Basha thotë se ai është i përjashtuar nga forumet vendimmarrëse të kësaj partie.
Sipas njoftimit të shpërndarë nga ish-Kryeministri, pas grumbullimit në selinë e PD, protestuesit do të marshojnë drejt Kryeministrisë për të protestuar, “siç thotë ai kundër paktit antikombëtar Rama-Vuçiç dhe vjedhjes me anë të incineratorëve.
Itinerari i protestës duket i menduar nga Berisha. Me tubimin e mbështetësve të tij në selinë e PD, ai i ushtron presion Lulzim Bashës, që po të hënën ka thirrur mbledhjen e Këshillit për të vulosur vendimet e Kuvendit Kombëtar, mes të cilave edhe ai i përjashtimit të Berishës nga forumet drejtuese të partisë.
Për të maksimizuar pjesëmarrjen në këtë protestë, Berisha duket se po luan me kartën e patriotit dhe atë të të pakorruptuarit. E para duke protestuar kundër Ballkanit të Hapur, që në Tiranë nuk i mungojnë kundërshtarët dhe e dyta kundër korrupsionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje