.png)
Gazeta Si- Presidenti amerikan Joe Biden e humbi durimin, duke fyer rëndë gazetarin e rrjetin televiziv “Fox News”, Peter Doocy. Në fakt, gazetari nuk humb asnjë rast për të ngacmuar, në mos për ta provokuar presidentin që nga fushata zgjedhore e vitit 2020.
Dje Biden zhvilloi një takim me ekspertë të Këshillit Ekonomik. Gazetarët u pranuan për disa minuta para se të fillonte takimi.
Doocy bëri pyetjen e tij: “A mendoni se inflacioni mund të jetë një problem politik përpara zgjedhjeve afatmesme?” “Jo, ky është një avantazh i madh”, – u përgjigj Biden me zemërim. Pastaj, ndoshta duke menduar se mikrofoni ishte i fikur, ai shtoi: “Çfarë budallai, bir ku…”.
Më vonë gazetari i “Fox”, komentoi: “Nuk e dëgjova … tani me të vërtetë dua të shoh se çfarë do të shkruajnë në raportin zyrtar. Biden ka diskutuar më vonë me gazetarin, duke i thënë se nuk kishte asgjë personale me të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje