.png)
Europa është në momentet e fundit të merkatos së dimrit, ndërsa nga Gjermani vjen një lajm që mund të ndikojë shumë në merkaton e verës. Sipas të përditshmes prestigjioze “Bild”, Kilian Mbape dhe Real Madrid kanë arritur akordin përfundimtar dhe në qershor sulmuesi i PSG-së do të veshë fanellën e bardhë.
Bëhet fjalë për një operacion me parametra zero për klubin e madh spanjoll, që i garanton Mbapesë një pagë vjetore prej 50 milionë eurosh. Një pagë që do ta bënte francezin më të paguarin në botë dhe që do të kthente kohën e “Galacticos” te Reali.
Spanjollët po bëjnë gjithçka për Mbape, i cili në Madrid nuk do të ndihet porsonazhi i tretë në lokandinë, siç ndodh te PSG, ku janë edhe Mesi dhe Nejmar. Ai do të jetë shumë i rëndësishëm te Reali, kolona e një projekti ambicioz. Verën e kaluar madrilenët ofruan 170 milionë euro, por PSG refuzoi. Verën e ardhshme Mbape do të lërë Parisin me parametra zero, pasi që nesër është i lirë të firmosë me një klub tjetër.
Me blerjen e francezit mbetet të përcaktohet situata e brazilianit Vinicius Junior te Reali, pasi ka të njëjtin rol me Mbape dhe vështirë se do ta pranojë idenë për të qëndruar në stol.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje