.png)
Janë 11 parti politike që janë regjistruar në garën për zgjedhjet e pjesshme vendore të gjashtë marsit, ku bie në sy mungesa e regjistrimit të aleatëve tradicionalë të Partisë Demokratike.
PS, PD, LSI janë regjistruar që të gjitha, po ashtu si partia Kristian Demokrate, Partia Demokristiane, Legaliteti dhe Balli Kombëtar Demokrat.
Në këto zgjedhje nuk është regjistruar Partia Republikane e Fatmir Mediut, ajo Agrare Ambientaliste e Agron Dukës, Lëvizja për Zhvillim Kombëtar e Dashamir Shehit, PDIU dhe as Partia Bashkimi për të Drejtat e Njeriut.
Komisioni Qendror i Zgjedhjeve ka publikuar listën me subjektet që janë regjistruar deri në përfundim të afatit ligjor, që ishte dita e hënë, ndërkohë që kjo e martë është afati i fundit për regjistrimin e koalicioneve.
KQZ ka 24 orë në dispozicion për të kthyer për plotësim dokumentacionin e partive me mangësi për të vijuar me miratimin e tyre në seancë. Kodi Zgjedhor parashikon se subjektet e regjistruara një afat prej 24 orësh për të sjellë kërkesën për koalicione të mundshme zgjedhore
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje