.png)
Gazeta Si – Gjykata Kushtetuese rrëzoi kërkesën e Presidentit Ilir Meta për shpalljen e papajtueshmërisë dhe konfliktit të interesit në shqyrtimin e shkarkimit të tij.
Kushtetuesja tha se vendimi për të rrëzuar kërkesat e Presidentit ishte unanim dhe asnjëri prej gjyqtarëve nuk u tërhoq nga shqyrtimi i çështjes së ngritur kundër tij.
Sipas deklaratës së Gjykatës Kushtetuese, kërkesat për shpalljen e papajtueshmërisë dhe konfliktit të interesit për të shtatë anëtarët e saj është e pabazuar.
Meta dorëzoi në Kushtetuese kërkesat për shpallje papajtueshmërie dhe konflikti interesi për të shtatë anëtarët e Gjykatës Kushtetuese, duke cituar mandatin e përfunduar të Vitore Tushës, përplasjen me anëtaren Fiona Papajorgji, një shkrim publik të Përparim Kalos dhe periudhën e zgjedhjes së Marsida Xhaferllarit, Elsa Toskës dhe Fiona Papajorgjit, që sipas Presidencës i vendos ato në kushte papajtueshmërie për vendimmarrje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje