.png)
Agjencisë Shtetërore e Kadastrës ka hapur thirrjen për 230 punonjës të rinj në kuadër të projektit dyvjeçar për digjitalizimin. Thirrja u njoftua nga kreu i ASHK-së, Artan Lame.
“Janë 230 vende pune për projektin e digjitalizimit me afat 2-vjeçar. Në vitin e parë procesi do të kryhet në bregdet dhe në Elbasan dhe Tiranë dhe në vitin e dytë në pjesën tjetër të vendit”, tha Lame.
Kreu i Kadastrës tha se veç këtyre vendeve për digjitalizimin ASHK është në kërkim edhe të inxhinierëve dhe specialistëve në kuadër të riformatimit të drejtorive rajonale problematike. Njëra prej tyre është ajo e Durrësit, që së fundmi u shkri komplet, ndërsa disa zyrtarë dhe ish-zyrtarë janë kallëzuar nga njësia antikorrupsion e Ministrisë së Drejtësisë.
“Jemi në një strukturë të re të Kadastrës, ku është miratuar edhe riformatimi drejtorive rajonale që kanë pasur probleme kohët e fundit. Vendet e punës janë krijuar për dy arsye. Largime të atyre që nuk e përballuan dot ritmin tonë, apo që nuk deshën të kuptojnë që Kadastra e re nuk mund të vazhdojë me hipotekën e vjetër. Kemi pasur largime vullnetare dhe të dhunshme punonjësisht, në kuptimin mediatik të fjalës”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje