.png)
Gazeta Si – Në seancën plenare të kësaj të enjteje që nis në orën 10:00, në Kuvend është programuar të hidhet në votim propozimi i shumicës parlamentare për zgjatjen e mandatit të afateve të Vettingut për organet e drejtësisë.
Partia Socialiste ka propozuar që afati të shtyhet deri në fund të vitit 2024. Zgjatja e afateve të Vettingut është kërkuar edhe nga ndërkombëtarët.
SHBA dhe BE përmes një deklarate të përbashkët i kanë bënë thirrje deputetëve që të votojnë të gjithë pro këtyre ndryshimeve.
Duke qenë se për të miratuar shtyrjen e afateve të Vettingut duhet ndryshim të Kushtetutës, nevojiten edhe votat e opozitës.
Partia Demokratike e Lulzim Bashës ende nuk e ka zyrtarizuar votën pro. Kryedemokrati Basha ka mbledhur sot në mëngjes grupin parlamentar, ku pritet të njoftojë qëndrimin e PD.
Ndërsa Grupi i Rithemelimit të PD-së i udhëhequr nga Sali Berisha është kundër shtyrjes së mandatit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje