.png)
Gazeta Si – Princi Charles i Britanisë së Madhe ka dalë pozitiv me Covid-19 dhe është izoluar menjëherë për të shmangur kontaktin me njerëzit e familjes.
Lajmi është bërë publik nga “Clarence House”, rezidenca zyrtare e Charles. Princi i Uellsit, kishte rezultuar pozitiv më herët edhe në mars 2020.
“Madhëria e tij mbretërore, i vjen thellësisht keq që nuk mund të marrë pjesë në ngjarjet e sotme në Winchester dhe do të përpiqet të riplanifikojë vizitën e tij sa më shpejt të jetë e mundur”, thuhet në një mesazh të postuar në rrjetet sociale të djalit të madh të Mbretëreshës Elizabeth.
This morning The Prince of Wales has tested positive for COVID-19 and is now self-isolating.
— The Prince of Wales and The Duchess of Cornwall (@ClarenceHouse) February 10, 2022
HRH is deeply disappointed not to be able to attend today’s events in Winchester and will look to reschedule his visit as soon as possible.
Në Britani, u konfirmua pozitiv me Covid edhe kryeministri laburist në krye të pushtetit vendor në Uells, Mark Drakeford, i cili ndodhet në izolim.
Ndërkohë, e gjithë Europa mbetet në ngjyrë të kuqe të errët, niveli më i lartë i infektimit dhe rrezikut për Covid 19. Kjo është ajo që del nga harta e re e përditësuar nga Qendra Evropiane për Kontrollin dhe Parandalimin e Sëmundjeve (Ecdc) e publikuar këtë të enjte, në të cilën nuk ka asnjë ndryshim në krahasim me kornizën e një jave më parë.
Në përditësimet më të fundit, harta ndikohet jo vetëm për përhapjen e virusit dhe incidencën e rasteve pozitive në teste, por edhe në bazë të depërtimit të vaksinës. Harta ECDC-së mbulon vendet e BE-së dhe EJL (Islanda, Norvegjia dhe Lihtenshtajni).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje