.png)
Nënkryetarja e PD-së e cila drejtoi punën e komisionit hetimor për inceneratorët, Jorida Tabaku, tha përmes një konference për mediat se, PD do të depozitojë në SPAK dokumente shtesë, që fajësojnë sipas saj kryetarin e Bashkisë së Tiranës, Erion Veliaj
“Jam këtu për t’ju informuar që sot menjëherë pas kësaj konference PD do të dorëzojë fakte shtesë në organin e akuzës, në SPAK për sa i përket Erioni Veliaj.
Do të fillojmë sot me Erion Veliaj i cili ishte personi qe gjatë dëshmisë së tij në komisionit hetimor u kap në dëshmi të rreme.
Cilat janë faktet e reja?!
Z.Erion Veliaj ka qenë i informuar në projektin e inceneratorit të Tiranës që në Datë 28.06.2016 ku në përgjigje të kërkesës së kompanisë që fiton koncesionin ai informohet për një studim ku pjesa takuese e Bashkisë Tiranë, në kosto është 91 mln euro. Në 5 shtator të 2016 ngrihet komisioni për dhënien me koncesion të inceneratorit të Tiranës, ku Bashkia e Tiranës ka dy përfaqësues të saj, z. Taulant Tusha dhe z.Namik Simixhi. Në kundërshtim me ligjin për pushtetin vendor, Erion Veliaj kthen një përgjigje që unë e kam këtu, në emër të Bashkisë Tiranë, me kostot e buxhetit 91 mln euro. Por njëkohësisht ne emër të Qarkut Tiranë, pa dërguar kërkesën e ministrisë së Mjedisit dhe projektin në Këshillin Bashkiak Tiranë. Pra ka miratuar një projekt në kostot e buxhetit të bashkisë Tiranë 91 mln euro pa mbledhur Këshillin Bashkiak…”, tha ajo. Më tej Tabaku shtoi:
“Veliaj zotohet që do të paguaje jo vetëm pjesën e bashkisë Tirane, 91.8 mn euro pa pyetur Këshillin Bashkiak. Por njëkohësisht në rast se bashkitë e tjera dështojnë për të zbatuar detyrimet e tyre, Erion Veliaj sipas Nenit 9, pikës 4 e kësaj kontrate koncensionare qe unë e kam këtu, merr përsipër të paguajë detyrimet edhe të bashkive të tjera të qarkut Tirane, pa e pasur autoritetin, përgjegjësinë por edhe njëkohësisht pa pasur funksionet e kryetarit te qarkut.
Kjo është një shkelje e dyfishtë pasi jo vetëm që ka marrë angazhimin për bashkinë Tirane pa thërritur Këshillin Bashkiak, por njëkohësisht është angazhuar edhe për bashkitë e tjera të qarkut Tiranë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje