.png)
Shqipëria thotë se ngjarjet në Ukrainë duhet të përshpejtojnë procesin e anëtarësimit për vendet e Ballkanit Perëndimor.
“U bëjmë thirrje partnerëve tanë, veçanërisht në BE, të jenë më strategjikë në marrëdhëniet e tyre me Ballkanin Perëndimor. Ngjarjet në Ukrainë janë dëshmi se shqetësimet tona ishin të justifikuara. Kjo e bën shumë të qartë se kostoja e izolimit është shumë më e lartë se kostoja e integrimit”, deklaroi në një takim me trupin diplomatik, ministrja e Jashtme, Olta Xhaçka.
Kryediplomatja shqiptare u shpreh në këtë takim se ngjarjet në Ukrainë mund dhe duhet të ndryshojnë qasjen e BE-së ndaj rajonit.
“Do ketë më shumë fokus dhe më shumë urgjencë për të ecur përpara me procesin e integrimit dhe mbi të gjitha për të përballuar çdo përpjekje ruse për të fermentuar telashet. Jam e kënaqur që sinjalet që po marrim tani tregojnë se BE-ja është e fokusuar tani siç nuk ka qenë për një kohë. Jam e kënaqur, sepse e di se nëse BE-ja është e bashkuar dhe e përkushtuar, nëse tregon të njëjtën vendosmëri siç po tregon në mbështetje të Ukrainës tani, rajoni ynë nuk do të jetë më i prekshëm ndaj përpjekjeve për të nxitur telashe dhe grindje dhe do të përfitojë siguria e Europës në tërësi”, shtoi ajo.
Gjatë takimit folën edhe ambasadori i Ukrainës në Tiranë, Volodimir Shkurov, ambasadorja e SHBA-ve Yuri Kim, si dhe ambasadori i BE-së, Luigi Soreca. Ata të gjithë falënderuan Shqipërinë për rolin e saj në mbështetje të Ukrainës
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje