.png)
Gazeta Si – Sulmi ushtarak i Rusisë në Ukrainë ka pasoja edhe në botën e sportit: nga aktivitetet e pezulluara ose anuluara në territorin rus, te reagimet e sportistëve.
Komiteti Paraolimpik Ndërkombëtar ka vendosur që të përjashtojë nga Lojërat Paraolimpike të Pekinit sportistët rusë dhe ata bjellorusë. Një ditë më parë IPC kishte dhënë ok-in për pjesëmarrjen e këtyre sportistëve me flamur neutral, por sot, pas një mbledhjeje të fundit, është vendosur të refuzohet regjistrimi i sportistëve rusë dhe bjellorusë në aktivitet.
The IPC Governing Board has decided to refuse the athlete entries from the RPC and NPC Belarus for the Beijing 2022 Paralympic Winter Games. https://t.co/8rE0szi8YE
— Paralympic Games (@Paralympics) March 3, 2022
Ky vendim ka ardhur për shkak të kërkesave të shumta të komiteteve paraolimpike, që kanë kërcënuar se nuk do të merrnin pjesë në Lojërat Paraolimpike, nëse nuk do rishikohej vendimi i një dite më parë.
“Na vjen shumë keq për sportistët e vendeve të përjashtuara nga Lojërat Paraolimpike të Pekinit, – ka thënë Andrew Parsons, president i Komitetit Ndërkombëtar Paraolimpik pas vendimit të fundit. – Ata janë viktima të veprimeve të qeverive të tyre”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje