.png)
Bashkimi i ndërmjetësuar nga Tiranë mes shqiptarëve në Luginën e Preshevës zgjati më pak se dy vite. Partitë dhe politikanët kryesorë vendorë shqiptarë atje do të hyjnë me dy lista në zgjedhjet parlamentare të 3 prillit në Serbi.
Lista e parë do të jetë koalicioni “Alternativa Demokratike Shqiptare”, që do të kryesohet nga Shqiprim Arifi.
Lista e dytë do të kryesohet nga Shaip Kamberi, një nga tre deputetët aktualë shqiptarë në Parlamentin serb.
Përçarja e votës së shqiptarëve në dy lista ul mundësinë e përfaqësimit me numër sa më të madh deputetësh në Parlamentin e Serbisë nga tre deputetë që janë aktualisht në vetëm një të tillë.
Në zgjedhjet e 2020-s, me ndërmjetësimin e Gent Cakajt, në atë kohë ministër i Jashtëm në detyrë i Shqipërisë, partitë shqiptare u bashkuan në një listë të vetme, duke siguruar tre mandate, nga një mandat i vetëm që mbahej nga Riza Halimi para atyre zgjedhjeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje