.png)
Lulzim Basha ka zhvilluar takime të ngjeshura me deputetët e grupit parlamentar të Partisë Demokratike këto ditë, në një përpjekje për të siguruar mbështetjen e shumicës dhe ndoshta edhe karrigen në krye të partisë.
Por, përpjekjet kanë dështuar dhe një nismë e deputetit Tomor Alizoti po firmoset në masë nga deputetët e PD-së. Dokumenti i Alizotit i kërkon dorëheqjen e menjëhershme të Lulzim Bashës nga posti i kryetarit të Partisë.
Firmat janë duke u mbledhur ende dhe të shtunën në mesditë, kur Basha ka thirrur një mbledhje të grupit parlamentar do t’i dorëzohet nga firmëtarët.
Alizoti propozon vetëm largimin e tij nga kryesimi i PD-së, por Ervin Salianji dhe Grida Duma shkojnë përtej duke kërkuar edhe përjashtimin Bashës nga grupi parlamentar i PD-së.
Mbi 20 deputetët të PD-së i kanë kërkuar publikisht Bashës dorëheqjen, ndërsa dokumenti parashikohet që të mbledhë deri në 40 firma në total.
Firmëtarët cilësojnë 6 marsin si testin e fundit të Lulzim Bashës, në të cilin ai ngeli, duke dalë forcë e tretë në këto zgjedhje, ndërsa nuk arriti që të fitojë asnjë bashki.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje