.png)
Qeveria ka ndaluar investimet madhore për shkak të shtrenjtimit të kostos së ndërtimit të ri. Mes kontratave të pezulluara, Kryeministri Edi Rama përmendi edhe atë për tunelin e Llogarasë.
“Sot që flasim në Shqipëri ka ndaluar pjesa më e madhe e investimeve publike dhe private në ndërtim. Kanë ndaluar, sepse hekuri është rritur 3-fish. Kontratat tona, si shembull, për tunelin e Llogarasë dhe investimet e tjera janë me çmimin e hekurit tre herë më pak nga sa është sot. Na thonë ne nuk mund të vazhdojmë të zbatojmë kontratën kur këtu ka ndodhur kjo. Ne nuk e realizojmë dot. Dalim komplet falimentojmë”, deklaroi ai.
Kryeministri bëri një parashikim edhe më të zymtë sa i takon situatës së energjisë elektrike, për të mbrojtur qëndrimin kundër uljes, apo reduktimit të taksave.
“Të mos harrojmë që jemi në mars dhe ky është viti i tretë i thatë. Digat kanë një pikë jetike, poshtë të cilës nuk mund të zbresim”, tha ai.
Sipas Ramës, kjo është arsyeja se përse nuk mund të preket asnjë taksë e vendosur te nafta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje