.png)
Gazeta Si – Dy raketa ruse goditën një stacion treni në Kramatorsk, në Ukrainën lindore, duke vrarë 50 civilë, mes tyre 10 fëmijë këtë të premte. Lajmi bëhet i ditur nga kompania shtetërore e hekurudhave të Ukrainës, cituar nga “The Guardian”.
Stacioni, në këto orë po përdoret për evakuimin e civilëve nga zonat lindore të vendit që janë nën bombardime.
Gazetari i “France Presse”, në vendngjarje raportoi se kishte parë trupat e të paktën 50 njerëzve me çanta trupash dhe tha se qindra njerëz ishin të grumbulluar në stacion, duke shpresuar të mund të largoheshin nga qyteti, i cili kërcënohej nga një ofensivë e madhe ruse.
Mbetjet e njërës prej raketave të hedhura pranë stacionit Kramatorsk duket se kanë fjalët “për fëmijët” të shkruara në rusisht.
Fraza – “za detei” në rusisht – domethënë se është qëlluar në mbështetje të fëmijëve. Zyrtarët ukrainas thonë se sulmi i stacionit hekurudhor në Kramatorsk ka vrarë të paktën 39 persona, përfshirë katër fëmijë.
Guvernatori i rajonit të Donjeckut, Pavlo Kyrylenko, sipas raporteve të mediave ndërkombëtare, tha se mijëra njerëz ndodheshin në stacion në momentin e sulmit, duke u përpjekur të largoheshin nga rajoni. Kramatorsk ishte një nga stacionet në Ukrainën lindore ende funksional.
Vetëm dje, Iryna Vereshchuk, Ministrja për Riintegrimin e Territoreve të Pushtuara, u kishte sugjeruar banorëve të rajoneve të diskutueshme të Lugansk, Donjeck dhe një pjese të Kharkivit, që të “largohen menjëherë” nga zonat.
Donbas dhe pjesa lindore e Ukrainës, në fakt, po bëhen fronti i ri “i nxehtë” i luftës.
Për ditë të tëra, Kievi ka paralajmëruar se Rusia po riorganizon dhe grumbullon trupat e saj në lindje për të nisur një ofensivë të re të madhe atje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje