.png)
Gazeta Si – Presidenti i Ukrainës Volodimir Zelenskij do t’i drejtohet Kuvendit të Shqipërisë me një mesazh.
Mësohet e kreu i shtetit ukrainas, do të përcjellë mesazhin e tij në seancën plenare të së martës që vjen.
Që nga fillimi i luftës, presidenti i Ukrainës i është drejtuar disa parlamenteve në botë, ku ka shprehur mirënjohjen e tij për mbështetjen, ndërsa ka kërkuar vazhdimisht ndihmë.
Shqipëria, aleate e NATO-s është pozicionuar në krah të aleatëve perëndimorë dhe kë dënuar agresionin ushtarak të Rusisë mbi Ukrainë.
Po ashtu, qeveria i është bashkuar sanksioneve ekonomike ndaj Moskës si maë kundër pushtimit rus.
Presidenti i Ukrainës telefonoi më 5 mars kryeministrin Edi Rama, të cilit i shprehu mirënjohjen për mbështetjen gjatë ditëve të vështira.
Më herët, kryetari i bashkisë së Kievit, Vitali Klitschko, përmes një video-mesazhi falënderoi Tiranën për mbështetjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje