“Rithemelimi” hap garën për kreun e PD: Katër ditë afat për kandidatët

Komisioni i Organizimit në PD ka hapur zyrtarisht garën për kreun e PD-së votimi për të cilin do të bëhet sipas parimit “një anëtar një votë” më 22 Maj.

Komisioni ka hapur garën që do të zgjasë vetëm katër ditë.  

 “Afati i paraqitjes së kandidaturave për Kryetar të PDSH është dita e shtunë, datë 7 maj 2022, ora 12.00.  Dokumentacioni dorëzohet pranë Komisionit Organizimit dhe Kontrollit të Operacioneve Elektorale në Partinë Demokratike dhe përmban:

1. Kërkesë me shkrim, shfaqje interesi për kandidim;

2. Curriculum Vitae;

3. Formularin e plotësuar të pastërtisë së figurës”, thuhet në njoftimin e Komisionit të ngritur nga Rithemelimi.

Më herët ish-kryeministri Sali Berisha ka deklaruar se do të dorëzojë kërkesën për të garuar në drejtimin e partisë.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---