.png)
Gazeta Si – Partia Socialsite ka bërë ndryshime të drejtuesve politikë në qarqet e Lezhës dhe Dibrës. Ulsi Manja ka kaluar nga Dibra në Lezhë. Ai është prezantuar në këtë qark nga sekretari i përgjithshëm i PS-së, Damian Gjiknuri.
Deri tani, drejtues politik i PS-së në qarkun e Lezhës ishte Blendi Klosi, i cili ka marrë detyrën e sekretarit organizativ të PS. Në qarkun e Dibrës, vendin e lënë bosh nga Ulsi Manja, e ka marrë ministrja Belinda Balluku.
Gjiknuri e ka falënderuar Klosin për punën e bërë deri tani në qarkun e Lezhës. “Me strukturat e Partisë Socialiste të Qarkut të Lezhës, ku prezantova Ulsi Manjën si drejtuesin e ri politik. Falenderova Blendi Klosin për punën e bërë deri më tani në këtë qark.
Në cilësinë e sekretarit organizativ, në këtë fazë, Blendi ka një përgjegjësi të shtuar, duke iu përkushtuar plotësisht mbarëvajtjes së procesit të brendshëm zgjedhor të partisë në territorin e 61 bashkive. Punën e mirë të bërë nga Ulsiu në Qarkun e Dibrës do ta vazhdojë më tej Belinda Balluku”, – ka shkruar Gjiknuri në faqen e tij në Facebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje