.png)
Gazeta Si – Ish-Kryeministri, Nikola Gruevski, aktualisht azilant në Hungari, është dënuar në mungesë me 9 vite burg për rastin “TNT” për rrënimin e kompleksit “Kosmos” të biznesmenit Fijat Canoski.
Krahas Gruevskit, Gjykata Penale e Shkupit, me dënim me burg ka dënuar edhe ish-Ministrin për Transport dhe Lidhje, Mile Janakievski, me 3 vite.
Ndërsa ish-Kryetari i Komunës së Gazibabës, Toni Trajkovski dhe inspektorja e ndërtimit, Elisaveta Najdovska, u dënua me katër vite.
Të gjithë akuzohen për veprën penale shpërdorim të detyrës dhe autorizimeve zyrtare.
Ish-kryeministri Nikola Gruevski, kishte urdhëruar që me eksploziv të shkatërrohet kompleksi i banesave “Kosmos”, për shkak se në vitin 2011, pronari Fijat Canoski, kishte ndërprerë koalicionin me VMRO-DPMNE-në.
Ish-ministri Janakievski, është akuzuar si koordinator i gjithë aksionit.
Gruevski deri më tani është i dënuar edhe për çështjen “Tanku”, “Dhuna në Qendër’ dhe “Parcelat në Vodno”. Nëse ekstradohet nga Hungaria ku ndodhet, në Maqedoni, ai do të duhet të vuajë 19.5 vite burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje