.png)
Gazeta Si – Erkand Qerimaj bëri sot garën e tij në Europianin e peshëngritjes, që po zhvillohet në Tiranë. Shkodrani garoi në baterinë B të peshës deri në 73 kilogramë.
Ai nuk mundi të arrijë rezultat në dygarësh, sepse dështoi në stilin e shtytjes. Qerimaj tentoi të arrinte maksimumin, edhe pse në baterinë B.
Peshëngritësi ynë kaloi me sukses vetëm një provë. Në shkëputje ngriti 150 kilogramë. Në shtytje dështoi në dy prova për të ngritur 174 kilogramë, kurse të tretën nuk e bëri fare.
Tani Erkand Qerimaj duhet të presë edhe rezulatet e baterisë A, duke shpresuar për medalje. Në baterinë A kujtojmë që garon peshëngritësi ynë më i mirë, Briken Calja. Kjo bateri garon në orën 20:00.
Gara e Qerimajt ishte larg pritshmërive, ndërsa Calja pritet t’i sjellë të tjera medalje Shqipërisë, pas atyre të Evangjeli Velit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje