.png)
Sali Berisha tha përmes konferencës së përjavshme për shtyp se protesta e paralajmëruar më 7 Korrik shënon shpalljen e Frontit për Shpëtimin e Shqipërisë.
Berisha nuk dha shumë detaje rreth protestës dhe as faktit nëse do të vijojë ditët në vijim, por u shpreh i sigurtë se rreth saj do të bashkohet shoqëria civile por edhe faktorë të opozitës dhe në këtë rast e kishte fjalën për Presidentin Ilir Meta i cili në fund të korrikut lë mandatin si President.
Madje, Berisha la të kuptohet se udhëheqja e opozitës do të konceptohet si koalicion me bashkëkryetar.
“Ideja ime është një front opozitar, me një udhëheqje kolektive, ku rol kryesor ka PD. Kontributi i çdo force politike, apo faktori tjetër, organizata të shoqërisë civile, individ i shquar është i mirëpritur. Ne jemi të hapur. Rama duhet të përballet me frontin për shpëtimin e Shqipërisë”, tha ai.
Berisha u pyet konkretisht edhe për bashkëpunimin me Ilir Metën.
“Disa herë jemi takuar në Baku me Presidentin Meta. Ai i mbyll këtë javë detyrimet. Mirëpritet kontributi i tij dhe i LSI-së në opozitarizmin kundër Edi Ramës. Do bashkohemi me të gjitha forcat politike që besoj se ky regjim është armiqësor ndaj shqiptarëve”.
A do të jetë një koalicion me bashkëkryetar?
“Ideja ime është një front opozitar, me një udhëheqje kolektive, ku rol kryesor ka PD…”, u përgjigj ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje