.png)
Gazeta Si – Në Tiranë është zhvilluar sot kongresi i jashtëzakonshëm zgjedhor i Federatës Botërore të Peshëngritjes. Presidenti i kësaj federate është zgjedhur irakeni Mohammd Hasan Jalod Alshamari.
Në kongres merrnin pjesë përfaqësuesit e federatave të 150 vendeve të botës. Kongresi zgjodhi edhe zëvendëspresidentët e Federatës Botërore të Peshëngritjes. Ata janë Pirro Dhima, Ursula Papandrea, Doris Marrero, Attila Adamfi dhe Peter Krol.
Janë zgjedhur po ashtu anëtarët e bordit të federatës dhe organet e tjera të saj. Përveç presidentit të Federatës Shqiptare të Peshëngritjes Elez Gjoza, merrnin pjesë edhe presidenti i KOKSH-it Fidel Ylli, si dhe ministrja e sportit Evis Kushi.
Një përshëndetje ka bërë gjatë kongresit edhe kryeministri Edi Rama, i cili ka ngacmuar pak edhe Pirro Dhimën, peshëngritësin e njohur shqiptar që ka garuar për Greqinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje