Video/ Korriku nis me sulm në Ukrainë, raketat ruse vrasin 20 civilë në Odesa

Gazeta Si – Të paktën 20 persona u vranë pas një bombardimi të ushtrisë ruse në një ndërtesë apartamentesh dhe një qendër argëtimi në Odesa.

Lajmi u bë i ditur nga burime zyrtare ukrainase, duke përfshirë zëdhënësin e administratës ushtarake të Odesës, Sergei Bratchuk.

Ai ka thënë se raketa u lëshua nga një avion që vinte nga Deti i Zi, rajoni Bilgorod-Dniester, rreth 80 km në jug të Odesës.

Të paktën 14 të vdekur dhe 30 të plagosur u raportuan në një ndërtesë, ku “nëntë kate të një seksioni janë shkatërruar plotësisht”

1 липня близько 01:00 у Білгород-Дністровському районі внаслідок ракетного удару сталося часткове руйнування триповерховоі та чотирьохповерховоі будівлі бази відпочинку, внаслідок чого загинуло 3 особи (з них 1 дитина) та постраждала 1 особа. Роботи тривають. pic.twitter.com/nmDbAxAP1S

— МВС України (@MVS_UA) July 1, 2022

Gjashtë viktima të tjera – duke përfshirë një fëmijë – u raportuan në sulmin në qendrën rekreative.

Videoja e sulmit të së premtes tregoi rrënojat e djegura të ndërtesave në Odesa.

Sulmi erdhi pasi Rusia kishte vendosur të tërhiqej nga Ishulli i Gjarpërinjve për të treguar se Moska nuk po pengonte përpjekjet e OKB-së për të hapur një korridor humanitar që lejon dërgimin e drithërave nga Ukraina.

Ukraina tha se kishte dëbuar forcat ruse nga Deti i Zi pas një sulmi me artileri dhe raketa, me presidentin Volodymyr Zelensky që përshëndeti fitoren strategjike.

Ishulli i Gjarpërinjve u rimor nga Ukraina pas javësh luftimesh të ashpra, teksa Rusia kishte premtuar se do ta zotëronte totalisht ishullin.

Dalja për në Odesa, porti kryesor i Ukrainës në Detin e Zi, do t’i jepte mundësi Ukrainës që të bënte të mundur dërgesat me drithë në të gjithë botën.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---