.png)
Kuvendi i Maqedonisë së Veriut vijon sot (16 korrik) me seancën e tretë të diskutimeve për përmbajtjen e kornizës së propozimit francez dhe sipas listës së deputetëve të regjistruar, të drejtën e fjalës e kanë edhe tre të tjerë dhe me pas do të shprehen me votë.
Diskutimet në dy ditët e fundit u zhvilluan në një atmosferë mjaft të tensionuar. Opozita shoqëroi fjalimet e deputetëve të shumicës qeverisëse, me vuvuzela e pankarta ne duar. Tensionet dhe zhurma në seancën e djeshme shkuan deri në konflikte verbale dhe akuza të ndërsjella mes deputetëve të pushtetit dhe opozitës.
Opozita kërkon refuzimin e propozimit, i cili, sipas tyre, sjell asimilim të drejtpërdrejtë të popullit maqedonas, shantazh dhe pengim shumëvjeçar të procesit të integrimit evropian nga ana e Bullgarisë.
Por, kampi qeverisës siguron se korniza negociuese ofron paprekshmëri të identitetit dhe gjuhës maqedonase dhe fillimin e negociatave për anëtarësim të plotë në BE.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje