.png)
Sali Berisha deklaron se me projektin për amnistinë fiskale, Edi Rama po rrezikon integrimin e Shqipërisë në Bashkimin Europian, ndërsa i bëri thirrje Brukselit dhe vendeve anëtare të unionit, që të këmbëngulin deri në fund kundër këtij projektligji.
Sipas Berishës, projektligji tregon lidhjet e errta të Edi Ramës me botën e krimit.
“Edi Rama duhet të kuptojë se problemi më madhor që vendet anëtare të BE dhe partnerët tanë kanë më Shqipërinë është kriminaliteti shqiptar dhe eksportimi i tij në vendet e tjera. Legalizimi i parave të krimit të shqiptarëve është mesazhi më i keq që u dërgohet këtyre vendeve dhe inkurajim i madh për organizatat kriminale shqiptare”, deklaroi Berisha.
Ish-Kryeministri tha se me të ardhur në pushtet PD do ta cilësojë nul këtë amnisti dhe do të vendosë para ligjit të gjithë përfituesit e saj.
“PD zotohet se me të ardhur në pushtet, ajo do invalidojë këtë amnisti dhe do vendosë para ligjit të gjithë personave që kanë përfituar nga kjo amnisti, duke yu kërkuar burimin e të ardhurave. Emrat e këtyre personave do u jepen organeve fiskale dhe penale jashtë për t’i përndjekur nëse kanë veprimtari atje”, u shpreh ai.
Berisha ftoi qeveritë e vendeve anëtare të BE që të këmbëngulin deri në fund kundër kësaj amnistie.
“Nga ana tjetër u bëj thirrje vendeve anëtare që të insistojë deri në fund kundër miratimit të këtij ligji që dëshmon lidhjet e tmerrshme të regjimit të Edi Ramës me organizatat kriminale brenda dhe jashtë vendit. Edhe njëherë shpreh mirënjohjen time të thellë ndaj BE-së dhe vendeve anëtare dhe e konsideroj turp qëndrimin bukëshkalë të Edi Ramës”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje