.png)
Qysh prej mëngjesit të së hënës, vetëm pak orë pas përfundimit të gjithë ceremonive si ish-President, Ilir Meta u përpoq të përcillte një mesazh tek njerëzit. Se ai nuk ka qëllim në vetvete drejtimin e LSI-së porse “rikthimin e sovranitetit” përmes referendumit.
Meta nuk sqaroi konkretisht për çfarë, por përmendi disa herë se në vend do të jetë një parti referendare.
“Drejtimin e LSI e lashë me vullnet të lirë para 5 viteve për arsye të rrethanave, që u krijuan në vend. Nuk u riktheva sot për të rimarrë drejtimin e kësaj partie, por për të sjellë mesazhin e popullit të 2 marsit, pjesë e të cilit ka qenë edhe LSI në ato momente, si dhe për t’u bashkuar të gjithë së bashku në triumfin e mesazhit të 2 marsit: Sovraniteti në Shqipëri i përket popullit.
Kjo do bëhet e mundur në mënyrë të padiskutueshme.
Partia e referendumit na pret!
Kjo zgjidh çdo problem, nga oligarkët te kapja e shtetit. Referendumi do të jetë “Shpata e Demokleut” mbi të gjithë ata që abuzojnë me besimin e popullit të Shqipërisë dhe mbi Esad Pashët e rinj, që kanë tradhëtuar interesin kombëtar dhe i kanë ngulur thika pas shpine Kosovës”, shkruan Meta në Facebook.
Në të njëjtën ditë, LSI-ja ka ka lajmëruar mbledhjen e Konventës që në plan të parë do të ketë vendime të rëndësishme me karakter politik.
A do të jetë pjesë e axhendës edhe ndryshimi i emrit të LSI-së, sa kohe që Meta e përmendi shpesh se do të drejtoje partinë e Referendumit? Kjo mbetet për tu parë.
Vetë bashkëshortja e tij Monika Kryemadhi ka deklaruar disa here se drejtimi i LSI-së, ishte një kostum që Metës tanimë i rrinte ngushte, duke nënkuptuar se synimi i tij politik do të jetë shumë më i gjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje