.png)
Gazeta Si – Nuk pranojnë të zbresin në fushë me fanellat që mbështesin komunitetin Lgbt. Disa lojtarë të Manly Warringah Sea Eagles, kampionatit elitar të regbisë në Australi, i komunikuan skuadrës së nuk donin të luanin me fanellën-ylber për “arsye besimi dhe kulturore”.
Ka ndodhur në Australi kjo ngjarje, në nivelin më të lartë të regbisë. Shtatë lojtarë të Manly Warringah Sea Eagles bënë të qartë qëndrimin e tyre dhe bojkotuan ndeshjen ndaj Sydney Roosters, vendimtare për futjen në ‘play-off’.
Klubi njoftoi se do përdorte fanella në mbështetje të komunitetit Lgbt, por ky vendim i ka bezdisur këta lojtarë, sidomos për faktin se është marrë në mënyrë të njëanshme.
Në rrjetet sociale ishte e paevitueshme të mos kishte polemika. Klubi australian ka bërë me dije se e pranon vendimin e lojtarëve të vet për të mos luajtur. Madje, ka kërkuar ndjesë ndaj tyre dhe ndaj komunitetit Lgbt.
Trajneri Des Hasler ka pranuar: “Një gabim, që ka shkaktuar konfuzion dhe dhimbje për shumë persona, veçanërisht për ata grupe njerëzish, të drejtat e të cilëve synohej të mbështeteshin”.
Ka reaguar edhe regbisti i parë profesionist i deklaruar gej, Ian Roberts, për vite me radhë një kolonë e skuadrës australiane. “I trishtuar dhe i keqardhur për këtë bojkot”, – tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje