.png)
Gazeta Si – “Unë kam një kërkesë të thjeshtë për të gjithë njerëzit tanë në territoret e pushtuara përkohësisht: bëni gjënë kryesore: shpëtoni jetën tuaj dhe na ndihmoni të dobësojmë dhe shkatërrojmë pushtuesit”.
Kështu është shprehur presidenti ukrainas Volodymyr Zelenskij në videon e zakonshme të mbrëmjes.
Me Rusinë, që po hedh bazat për të aneksuar zyrtarisht zonat e pushtuara, presidenti i Ukrainës u ka kërkuar drejtpërdrejt bashkëkombësve të tij që të ndihmojnë përpjekjet luftarake të kombit edhe nga brenda territorit të pushtuar.
Referendumet e rreme që po zhvillohen në 4 rajone të Ukrainës – Luhansk, Donetsk, Zaporizka dhe Kherson – do t’i lejojnë Moskës të përfshijë ato territore dhe kështu të angazhojë banorët për përpjekjet e tyre kundër të luftës.
Zelenskij u bëri thirrje atyre që jetojnë në këto rajone që të kundërshtojnë përpjekjet ruse të mobilizimit “me të gjitha mjetet” dhe të përpiqen të arrijnë tokat e kontrolluara nga Ukraina.
Nëse nuk munden, dhe përfundojnë në ushtrinë ruse, Zelenskij u ka bërë thirrje atyre të mbështesin luftën e Ukrainës nga brenda.
“Përpiquni të sabotoni çdo aktivitet të armikut, të pengoni çdo operacion rus, të na jepni çdo informacion të rëndësishëm për pushtuesit: bazat e tyre, selitë, magazinat me municione”, kërkoi presidenti ukrainas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje