.png)
Gazeta Si – Putin, ndalo luftën! Është apeli i Françeskut për liderin e Kremlinit. “I drejtohem para së gjithash presidentit rus të ndalë, edhe për popullin e tij, këtë spirale dhune dhe vdekjesh”.
Duke folur para besmitarëve në sheshin San Pietro, Papa Françesku i ka bërë një apel edhe presidentit ukrainas Zelenski, duke e ftuar atë “të jetë i hapur ndaj propozimeve për paqe”.
“Absurde të gjendemi para një kërcënimi atomik. Sa gjak duhet të derdhet akoma, sepse e dimë që lufta nuk është kurrë një zgjidhje? Çfarë të thuash për faktin që njerëzimi gjendet sërish para një kërcënimi atomik: absurde”, – ka vazhduar Ati i Shenjtë.
“Në emër të Zotit dhe në emër të njerëzimit përsëris apelin tim për të ndalur luftën. Të ulen armët dhe të kërkohen kushtet për negociata dhe për të gjetur zgjidhje që nuk janë të kushtëzuara nga forca. Komuniteti ndërkombëtar të impenjohet për t’i dhënë fund luftës”.
Papa Françesku ka përmendur kështu të gjithë protagonistët e skenës ndërkombëtare dhe përgjegjësit politikë që të bëjnë gjithçka kanë mundësi për t’i dhënë fund luftës.
“Të mos lejojmë përshkallëzimin e situatës. Ju lutem, t’i lejojmë gjeneratat e reja të thithin ajrin e shëndetshëm të paqes, jo atë të luftës, sepse është çmenduri”, – ka thënë Papa Françesku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje