.png)
Në kohën kur mbi tavolinën e Komisionit Evropian është propozimi për heqjen e vizave të BE-së për Kosovën, presidenca çeke ka ngritur një shqetësim për Shqipërinë dhe Serbinë, sa i përket zbatimit të kushteve për lëvizjen e lirë.
Në një njoftim të publikuar në faqen zyrtare, “SchengenVisaInfo.com” ka sugjeruar rikthimin e vizave për Shqipërinë e Serbinë, pasi janë kthyer në portë hyrëse për klandestinët e lindjes drejt BE-së.
Sipas uebsitit zyrtar të Shengenit, thuhet se si Shqipëria ashtu edhe Serbia fitojnë në bllok lëvizjen e lirë, por po kontribuojnë në rritjen e numrit të emigrantëve të parregullt që hyjnë në BE përmes kësaj rruge.
“Shtetasit kubanë, indianë dhe turq që vijnë përmes Shqipërisë dhe Serbisë për të kërkuar azil në Bashkimin Evropian janë në rritje, ndaj çështja ka nxitur bisedimet për pezullimin e udhëtimit pa viza në Ballkanin Perëndimor”, thuhet ne artikullin e botuar në këtë uebsite, por pa iu referuar nje dokumenti zyrtar. Me shume sesa permbajtja, lajmi per pezullim vizash eshte pasqyruar vetem ne titull.
Në vitin 2015, kriza e emigrantëve përfshiu Ballkanin Perëndimor, kur më shumë se 1 milion refugjatë hynë në mënyrë të parregullt në BE, shumica e tyre përmes Evropës Juglindore.
Ndërkohë, numri i personave që vijnë nga Ballkani Perëndimor nga Burundi gjithashtu është rritur ndjeshëm me 259 deri më tani këtë vit krahasuar me zero vitin e kaluar. Në të njëjtën kohë, ka pasur një numër në rritje të kubanëve me 339 kundrejt 36 vitin e kaluar, indianët 4469 këtë vit krahasuar me 557 në 2021, tunizianët 5777 kundrejt 842 dhe turqit 6186 kundrejt 1652.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje