.png)
Gazeta Si – Elnaz Rekabi mori vëmendje për gjestin e protestës kundër regjimit të Teheranit gjatë Lojërave Aziatike. Familjarët dhe miqtë nuk po arrijnë më ta kontaktojnë.
Ditët e fundit ajo u vu në qendër të vëmendjes, sepse refuzoi të mbante hixhabin, shaminë që mbulon kokën, një rregull i vendosur nga regjimi i ajatollah për të gjitha femrat iraniane gjatë kampionatit aziatik të alpinizmit sportiv. Tani për Elnaz Rekabi, që i shkoi shumë afër podit, duke e mbyllur në vend të 4-t, nuk ka më lajme.
منبعی آگاه به بیبیسی گفته که دوستان الناز رکابی، سنگنوردی که دیروز در مسابقات قهرمانی آسیا در کره جنوبی بدون حجاب شرکت کرد، از دیشب نتوانستهاند با او تماس بگیرند.⁰بیبیسی در تماس با هتل محل اقامت تیم ایران مطلع شد که اعضای تیم از صبح دوشنبه ۲۵ مهر از هتل خارج شدهاند. pic.twitter.com/Jp4FkqGbKh
— BBC NEWS فارسی (@bbcpersian) October 17, 2022
Sportistja e datëlindjes 1989, medalje bronzi në Botërorin e Moskës në 2021-shin, guxoi të paraqitej në eventin sportiv, duke sfiduar ligjet e vendit të saj, në valën e revoltës që ka përfshirë Iranin pas vrasjes së Mahsa Amini, e arrestuar nga ‘policia e moralit’ më 13 shtator, sepse një pjesë e flokëve të saj dukej.
E reja ndërroi jetë në komisariat për shkak të torturave, – kështu dyshohet, – ndërsa version zyrtar është se kishte një problem shëndetësor.
Sipas Bbc Persia, celulari dhe dokumentet e identitetit të Rekabi nuk janë më në dhomën e saj të hotelit. Mëngjesin e sotëm nga hoteli është larguar edhe pjesa tjetër e skuadrës iraniane, që duhej të kthehej të mërkurën në atdhe. Familjarët dhe miqtë e alpinistes nuk kanë mundur ta kontaktojnë që dje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje