.png)
Kancelari gjerman, Olaf Scholz, paralajmëroi përsëri Bashkimin Europian se një kufi mbi çmimin e gazit në rajon do tu kthehet atyre mbrapsht, me një efekt më negativ, ndërkohë që po kërkojnë të shkëputen nga varësia ndaj gazit rus.
“Një kufi çmimi i vendosur politikisht rrit rrezikun e largimit të furnizuesve diku tjetër dhe Europa do të përfundojë me shumë pak burime gazi”, -tha Scholz.
Kancelari i Gjermanisë foli para nisjes së samitit dy ditor me homologët e tij në Bruksel. Anëtarët e bllokut do të diskutojnë mbi mënyrat e mbajtjes nën kontroll të çmimeve të energjisë dhe sigurimin e furnizimit të saj.
Në vend të një kufiri, Scholz mbështet idenë e bashkëpunimit me blerës si Japonia dhe Koreja e Jugut për të tërhequr prodhues të rinj dhe për të devijuar konkurrencën.
“Jam i bindur se vende si SHBA, Kanadaja apo Norvegjia, të cilat qëndrojnë me ne në solidaritet në anën e Ukrainës, kanë interes që energjia në Europë të mos bëhet sfidë e papërballueshme,” tha ai./Bloomberg
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje