.png)
Gazeta Si- Në një njoftim për median, Ministrja e Infrastrukturës dhe Energjisë Belina Balluku tha se fasha 800 KW nuk do të aplikohet as për muajin nëntor.
“Shifrat e kursimit të energjisë për muajin tetor janë domethënëse dhe na japin mundësinë që fashën prej 800 kilovatësh të mos e aplikojmë as për muajin nëntor, duke konsideruar gjithashtu parashikimet e motit me reshje në vijim, si edhe një rënie të caktuar në çmimin e tregut ndërkombëtar të energjisë”, tha Balluku.
Ajo tregoi se konsumi i energjisë është ulur me 7 për qind në krahasim me 1 vit më parë dhe kjo është diçka pozitive.
Balluku tha gjithashtu se reshjet në fundjavë kanë qenë të pakonsiderueshme pasi ishin të pakta por “presim reshje në kaskadën e Drinit pas datës 13 nëntor”.
“Ndër të tjera, 15% ulje të konsumit vjetor është targeti i vendosur për institucionet shtetërore dhe pas datës 12 nëntor do të bëhet publike se cilat kanë kapur këtë target për të kursyer energji”, tha Balluku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje