.png)
Presidenti rus Vladimir Putin nuk do të marrë pjesë në samitin e G20 që do të mbahet në Bali javën e ardhshme.
Burime të përfshira në organizimin e samitit thanë për Bloomberg se Kremlini po përpiqet të mbrojë presidentin nga tensionet e mundshme të nivelit të lartë për pushtimin e tij në Ukrainë dhe të shmangë përplasjet e mundshme me liderë të tjerë. Ndërkohë, në samit është konfirmuar pjesëmarrja e presidentit ukrainas Volodymyr Zelensky.
Sa i përket konflikt në Ukrainë ka një zhvillim të rëndësishëm ku mësohet se Putin ka urdhëruar tërheqjen e trupave nga Kherson.
Rusia urdhëroi sot tërheqjen e trupave nga Kherson, me ministrin e mbrojtjes që tha se “jeta dhe shëndeti i trupave ruse ka gjithmonë prioritet.”
Rajoni jugor Kherson i Ukrainës kufizohet me Krimenë dhe i ofron Moskës një urë tokësore në gadishullin e Detit të Zi, të cilën ajo e mori nga Kievi në vitin 2014. Nëse forcat e Kievit, të cilat po kundërsulmojnë në rajon, do të jenë në gjendje të rimarrin një pjesë të territorit atje, kjo do ta privonte Rusinë nga ai korridor tokësor. Një sukses i tillë në fushëbetejë do të sillte gjithashtu artilerinë ukrainase me rreze të gjatë më afër Krimesë, të cilën Moska e sheh si jetike të rëndësishme për interesat e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje