.png)
Partia Demokratike i është drejtuar Gjykatës së Shkallës së Parë Tiranë, me një kërkesë për konstatimin e pavlefshmërisë së procesit të zgjedhjes së kryetarit të PDSH në datën 13 qershor 2021 dhe çregjistrimin e Lulzim Bashës si kryetari i PDSH nga Regjistri i Partive Politike.
Po ashtu PD kërkon çregjistrimin e Bashës për shkak të faktit të njohur të dorëheqjes së tij.
Kërkesa është dorëzuar në Gjykatën e Tiranës nga Edit Harxhi, anëtarja e kryesisë së PD, të drejtuar nga Berisha. Kjo është padia e dytë e saj lidhur me këtë çështje. Padia e parë u depozitua në maj të këtij viti.
“Kam mbaruar seancën gjyqësore për padinë që i kam drejtuar gjykatës së Tiranës për pavlefshmërinë e zgjedhjeve të PD për kryetar, më 13 qershor. Sot kërkova ndryshimin e objekt padisë, çregjistrimin e Lulzim Bashës si kryetar nga regjistri i partive politike. Kërkesa do të merret në shqyrtim, seanca do vijojë më tej pas disa javësh”, tha Harxhi.
Lulzim Basha u zgjidh kryetar i PD më 13 qershor 2021. Ai fitoi përballë tre kandidatëve të tjerë në garë, Agron Shehaj, Edith Harxhi dhe Fatbardh Kadilli.
Më 21 mars 2022, Lulzim Basha dha dorëheqjen një veprim që nuk u reflektua në regjistrimin e partive politike në gjykatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje