.png)
Gazeta Si – Basketbollistja amerikane Brittney Griner, e arrestuar në Rusi dhe e dënuar në gusht me 9 vite burg për posedim droge, është e lirë.
Ajo u lirua në një shkëmbim të burgosurish që përfshin tregtarin ndërkombëtar të armëve Viktor Bout, i cili mbahej në Shtetet e Bashkuara.
Ishte folur për një shkëmbim të mundshëm mes dy të burgosurve, Griner dhe Bout këtë verë, me Shtëpinë e Bardhë që u kërkoi mediave të mos e publikonin lajmin, për të favorizuar negociatat mes palëve, ku u përfshi një tjetër i burgosur amerikan, ish-marinist Paul Whelan, i arrestuar në 2108 në Moskë dhe i dënuar në 2020 me 16 vjet burg për spiunazh.
Moments ago I spoke to Brittney Griner.
— President Biden (@POTUS) December 8, 2022
She is safe.
She is on a plane.
She is on her way home. pic.twitter.com/FmHgfzrcDT
Lirimi i yllit të basketbollit u bë i ditur nga presidenti Joe Biden, i cili shkroi në Twitter: “Pak çaste më parë fola me Brittney Griner. Ajo është i sigurt, është në një avion dhe po kthehet në shtëpi”.
Marrëveshja e shkëmbimit të të burgosurve e negociuar me Moskën javët e fundit, sipas burimeve të CBS, mori miratimin përfundimtar nga presidenti amerikan Joe Biden vetëm në shtatë ditët e fundit.
Shkëmbimi u zhvillua në Emiratet e Bashkuara Arabe, një vend i Gjirit Persik, i cili në raste të tjera shërbeu si platformë për shkëmbimin e të burgosurve midis Rusisë dhe Ukrainës.
Për të siguruar lirimin e Griner, presidenti Biden urdhëroi lirimin e Bout dhe kthimin në Rusi të tij.
Sipas burimeve të CBS, Biden nënshkroi urdhrin e uljes së dënimit me burg federal 25-vjeçar të Bout.
Nga ana tjetër, marinari amerikan në pension, Paul Whelan, i arrestuar prej gati katër vitesh, mbetet në burg në Rusi. Ai u dënua për akuza për spiunazh që Shtetet e Bashkuara i kanë etiketuar të rreme.
Marrëveshja vjen në një kohë tensionesh të larta mes dy vendeve për shkak të luftës në Ukrainë.
Griner, dy herë fituese e medaljes së artë olimpike, kishte qenë në burg prej muajsh për akuza të lidhura me drogën.
Në gusht, sportistja u dënua me nëntë vjet burg për posedim të më pak se një gram vaj kanabisi.
Griner, 32 vjeçe, u arrestua shkurtin e kaluar në aeroportin e Moskës dhe u transferua në nëntor në një koloni në rajonin Mordovia të Rusisë së Evropës Lindore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje