.png)
Ambasadorja e BE-së në Tiranë, Christiane Hohmann ka deklaruar se rrugëtimi drejt Bashkimit Evropian kërkon udhëheqje të fortë politike
“Shqipëria ka ndërmarrë një hap të madh në lidhje me rrugëtimin drejt BE, me çeljen e negociatave.
Unë shpesh kam theksuar faktin se negociatat e anëtarësimit me BE janë më shumë sesa një proces teknik. Kjo është një fazë që kërkon udhëheqje të fortë politike.
Ashtu siç ndodh në shumicën e institucioneve, Kuvendi luan një rol thelbësor. Unë mirëpres qëllimin që ka Kuvendi që të punohet më fort në këtë proces.
Ka shumë çështje që mund të flasë Kuvendi i Shqipërisë.
Psh, pyetjet që shtrohen janë: Si mundet Kuvendi të përmbushë rolin e vet për të ndërtuar konsensus?
Si do të ketë mundësi Kuvendi që të përmirësojë kapacitetet e veta për të përafruar legjislacionin me atë të BE?
Duke marrë parasysh këto çështje, çfarë mund të mësojë Kuvendi i Shqipërisë nga kuvende të tjera që kanë qenë vende kandidate?
Prandaj jam kurioze të shoh kush janë idetë e Kuvendit.
Shqipëria ka një dëshirë të madhe për Evropën. Ndaj i bëj thirrje të gjithëve të bëhen bashkë për anëtarësimin në BE..”, tha ambasadorja e BE-së në Konferencën Vjetore të Avokatit të Popullit ku mori pjesë edhe kryetarja e Kuvendit, Lindita Nikolla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje