.png)
Gazeta Si – Donald Trump sërish në shenjestër të mediave amerikane për çështjen e taksave.
Ish-presidenti amerikan, në tre vitet e para të qëndrimit në Shtëpinë e Bardhë, pagoi 1.1 milionë dollarë taksa.
Por në vitin 2020 kontributi i tij në arkën e shtetit ishte zero. Lajmi bëhet i ditur nga gazeta “New York Times”, duke cituar të dhënat e lëshuara nga komisioni i Dhomës së Përfaqësuesve që autorizoi publikimin e deklaratave tatimore të miliarderit, i cili në vitin 2020 raportoi një humbje prej 4.8 milionë dollarësh dhe nuk pagoi taksa mbi të ardhurat.
Në total, në katër vitet e presidencës së tij, Trump ka deklaruar humbje prej 60 milionësh. Këto janë të dhënat e para që filtrohen përmes deklaratave dhe dokumenteve tatimore në duart e “Komitetit të Mënyrave dhe Mjeteve”, komisioni mbikëqyrës i Dhomës së Përfaqësuesve.
Komiteti i Dhomës së Përfaqësuesve votoi pro për publikimin e deklaratave tatimore të ish-presidentit Trump me 24 vota pro dhe 16 kundër, në lidhje me periudhën 2015-2020. Megjithatë, përpara se dokumentet të jenë në domenin publik, mund të duhet pak kohë.
Komisioni ka urdhëruar që dokumentet të dërgohen në Dhomën e Përfaqësuesve. Ish-presidenti ka kundërshtuar publikimin e dokumenteve të tij tatimore që nga viti 2016, duke thyer një traditë të kahershme të politikës amerikane, deri në urdhrin e lëshuar muajin e kaluar nga Gjykata e Lartë, e cila refuzoi apelin e tij të fundit.
Demokrati Brendan Boyle, një anëtar i komitetit, tha: “Kjo është një nga votat më të rëndësishme që kam hedhur si kongresmen dhe e mbështes atë qind për qind”.
Një hetim nga “New York Times” zbuloi se manjati nuk do të kishte paguar taksa federale në njëmbëdhjetë nga tetëmbëdhjetë vitet e deklaratave tatimore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje