.png)
Nga Gazeta ‘SI’ – Në konferencën pas mbledhjes së qeverisë, ministri i Mbrojtjes, Niko Peleshi tha se tashmë Shqipëria është tashmë pjesë e Mekanizmit Europian të Mbrojtjes Civile, pas ratifikimit nga Këshilli i Ministrave.
“Ky është një hap integrues i Shqipërisë në një strukturë shumë të rëndësishme të mbrojtjes civile. Tani do të kemi mundësi që jo vetëm në rast fatkeqësish natyrore, emergjencash civile, stafet tona t’i mbajmë më pranë, të transferojmë dijen nga vendet më të zhvilluara, trajnime e kualifikime të vazhdueshme. Shqipëria listohet si vend me risk të lartë gjatë gjithë vitit, nga fatkeqësitë natyrore”, – tha ministri Peleshi.
Pyetur nga gazetarët edhe për sulmin kibernetik ndaj një banke tregtare në vend ditët e fundit dhe sigurinë e qytetarëve, Peleshi tha se asnjë institucion, privat apo publik, nuk ka mure 100% të sigurta.
Ministri shtoi se, pas sulmeve kibernetike, që kanë goditur vendin tonë, përfshirë atë të muajit shtator qeveria ka hartuar disa plane konkrete për investime në infrastrukturën e mbrojtjes kibernetike.
Pas tij, ministrja e Bujqësisë, Frida Krifca, njoftoi se KM ka miratuar projektligjin e bletarisë, që do të formalizojë, prodhimin e përpunimin e mjaltit, për herë të parë, duke i dhënë më shumë vëmendje këtij sektori dhe bletarëve.
Lidhur me problemin e përvitshëm të mbiprodhimit të vajit të ullirit dhe mungesës së tregut për të, Krifca tha se problemi qëndron tek fakti që ullinjtë janë mbledhur pa plan, rreth 10 mln të tilla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje