.png)
Kryetari i Partisë Republikane, Fatmir Mediu, ka mbledhur strukturat me qëllim daljen me një qëndrim për zgjedhjet e ardhshme lokale.
Pas takimit, Mediu njoftoi se Partia Republikane do të mbështesë daljen e opozitës me një kandidat të vetëm në zgjedhje dhe daljen me lista të veçanta të këshilltarëve të partive opozitare.
“Bashkimi i PD në një kandidat të vetëm është jo vetëm interes politik i PD apo opozitës, por është interes kombëtar përballë regjimit antikushtetues dhe antinjerëzor të pushtetit të sotëm”, shkruan Mediu në faqen e tij në Facebook.
“Takim me kryesinë e Partisë Republikane në përgatitje për zgjedhjet lokale, aktivin e gruas, aktivin e rinisë dhe Kongresin e Partisë Republikane.
Partia Republikane do të mbështesë daljen e opozitës me një kandidat të vetëm dhe daljen me lista të veçanta të këshilltareve të partive opozitare.
Është e rëndësishme bashkëpunimi i këshilltarëve me kandidatët për kryetar Bashkie”, citon Mediu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje