.png)
Kryeministri njëherazi kryetari i PS-së, Edi Rama ka mbledhur grupin parlamentar të Partisë Socialiste vetëm pak ore para nisjes së sesionit të ri parlamentar.
I pranishëm në mbledhje është edhe deputeti Agron Çela, ish-deputet i Partisë së Lirisë.
Në fokus është performanca e ministrave dhe deputetëve në aktivitetin parlamentar, ku në optikën kritike ishte Ministrja e Punëve të Jashtme Olta Xhaçka. Meritat për performancën në Kuvend i ka marrë Ministrja e Shtetit për Parlamentin, Elisa Spiropali.
Ligji për bashkëpunëtorët e ish sigurimit, do të jetë prioritet për socialistët, ku personat të cilët vërtetohen nga Autoriteti për Informimin mbi Dokumentet e ish-Sigurimit të Shtetit se kanë qenë bashkëpunëtorë ose të favorizuar të ish-Sigurimit të Shtetit nuk do të mund të zgjidhen më në asnjë post të rëndësishëm partie apo shtetërore e aq më pak të kandidojnë për deputet apo kryetarë bashkie
Në mbledhje do të diskutohen edhe objektivat me strukturat vendore për 14 majin, si edhe qëndrimi me opozitën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje