.png)
Gazeta Si – Dy avionë iu afruan përplasjes në aeroportin “JFK” të Nju Jorkut kur njëri nga të dy kaloi pistën pikërisht në momentin kur tjetri kishte filluar fazën e ngritjes.
Ndalimi i menjëhershëm nga kontrollori i fluturimit sipas të gjitha gjasave, parandaloi një aksident që mund të kishte shkaktuar rreth 400 të vdekur. Ky incident i shtohet listës gjithnjë në rritje të përplasjeve nga ana e pasme dhe kryqëzimeve të rrezikshme në një nga aeroportet më të rëndësishme dhe më të ngarkuara në botë.
Dinamika
Ngjarja ndodhi në mbrëmjen e 13 janarit, siç mund të shihet duke kryqëzuar të dhënat e ofruara nga “Flightradar24” me bisedat audio midis kullës së kontrollit dhe pilotëve – të publikuara në faqen e specializuar “LiveAtc” – dhe shënimit nga FAA, agjencia amerikane, që merret me transportin ajror në vend.
Në orën 20:44 me orën lokale (2:44 të mëngjesit të ditës së nesërme në Europë) një “Boeing 737-900” e “Delta Air Lines” me 151 persona në bord (145 pasagjerë, 6 anëtarë ekuipazhi) dhe destinacioni Santo Domingo, përgatitet për ngritje në pistën 4 të lënë për lidhjen “DL1943”
JFK Airport New York – Friday the 13th, 2023. American Airlines Boeing 777 (AAL106) going to London crosses the wrong runway while taxiing while a Delta Airlines Boeing 737 (DAL1943) is departing for Santo Domingo on the same runway stopping their takeoff avoiding a disaster. 😳 pic.twitter.com/vhzXI8zD7M
— Thenewarea51 (@thenewarea51) January 15, 2023
Udhëzimi nuk u ndoq
Në të njëjtat sekonda, një “Boeing 777-200ER” e kompanisë “American Airlines” i fluturimit “AA106” me rreth 250 persona dhe destinacion Londrën në Heathroë, merr këtë tregues: “Vazhdoni dhe kaloni pistën e majtë 31 përmes ‘Kilo’”-s, – thotë kontrollori.
Avioni është i autorizuar të kthehet djathtas në rrugë lidhëse “K”, më pas të vazhdojë derisa të ndalojë në pikën mbajtëse “K1”, përpara se të niset nga pista e majtë 4, njësoj si fluturimi “Delta”.
Por avioni amerikan kthehet në të majtë, duke e gjetur veten në një pikë të caktuar në mes të pikës 4 majtas, ndërsa avioni i “Delta”-s sapo ka marrë “OK”-in për ngritje dhe po u jep fuqi motorëve.
Alarmi
Pikërisht në këtë pikë, ata e kuptojnë rrezikun nga kulla. “Dreqin!”, – dëgjohet duke thënë një zë mashkullor.
“American 106 mbaj pozicion!”, komunikon një zë femëror. “Delta 1943 anulo autorizimin e ngritjes!”, thotë me zë të emocionuar kontrollori tjetër i fluturimit.
“Ndaloni fluturimin!”, – përsërit ai për t’u siguruar. Piloti i “Delta”-s, me zë të heshtur, konfirmon se e ka marrë indikacionin, pasi ka arritur shpejtësinë maksimale prej 241 kilometrash në orë.
“Huuh, Delta 1943”, reagon menjëherë oficeri i parë, duke konfirmuar rrezikun e momentit.
Pyetja
Nuk është e qartë se si ishte i mundur gabimi. Në atë kohë në “JFK” nisjet janë të gjitha nga pista e majtë 4 dhe mbërritjet përgjatë të djathtës 4.
Më pas avioni i “American Airlines” pastron pistën dhe autorizohet të ngrihet, gjysmë ore më vonë, nga pista 31 në të majtë.
Avioni “Delta” kthehet në portën e aeroportit, ku niset rreth 15 orë më vonë për arsye që nuk janë sqaruar zyrtarisht.
Por tragjedia e afërt në “JFK” në Nju Jork i shtohet listës së ngjarjeve që kanë parë disa avionë të prekin njëri-tjetrin edhe gjatë parkimit me dëmtime në krahë apo bisht.
Hetimet
Dinamika, e cila kujton atë të katastrofës në Linate të Italisë në tetor 2001 (118 të vdekur), tani po shqyrtohet nga hetuesit e NTSB të, cilët konfirmojnë se kanë hapur një hetim.
FAA po heton gjithashtu dhe shpjegon në një shënim se “Boeing 737 frenoi në mënyrë të sigurt, pasi kontrollorët vunë re një aeroplan tjetër që kalonte të njëjtën pistë”.
“Sipas të dhënave paraprake, fluturimi Delta ndaloi afërsisht 1000 këmbë (305 metra) nga American Airlines 106”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje