.png)
Gazeta Si – Një ish-oficer rus, Konstantin Yefremov, denoncoi marrjen në pyetje brutale, torturat, kërcënimet për përdhunim dhe të shtënat e kryera nga forcat ruse në Ukrainë, gjatë një interviste për BBC.
“Marrja në pyetje dhe torturat vazhduan për rreth një javë. – tha ai. – Çdo ditë, natën, ndonjëherë dy herë në ditë”.
Ish-togeri, i cili tani shihet në shtëpi si tradhtar dhe dezertor, tha se ai ishte dëshmitar i disa krimeve, duke përfshirë torturimin dhe keqtrajtimin e të burgosurve ukrainas.
Më 10 shkurt 2022, Yefremov u dërgua në Krime, gadishulli ukrainas i aneksuar nga Rusia nëntë vjet më parë.
Ai ishte në krye të një njësie të çminimit të Divizionit të 42-të, me bazë zakonisht në Çeçeni.
Ai dhe njerëzit e tij u dërguan për të marrë pjesë në “stërvitje ushtarake, – tha ushtaraku rus. – Në atë kohë askush nuk besonte se do të kishte luftë. Të gjithë menduan se ishte thjesht një stërvitje. Jam i sigurt se as oficerët e lartë nuk e dinin”.
Yefremov kujton se kishte parë trupat ruse duke vendosur shenja identifikimi në uniformat e tyre dhe duke pikturuar shkronjën “Z” në pajisjet dhe automjetet ushtarake, simbolin e asaj që për Kremlinin është “operacioni i tij special ushtarak”.
Yefremov vendos “të largohet. Shkova te komandanti im dhe i shpjegova pozicionin tim. Ai më çoi te një oficer i lartë që më quajti tradhtar dhe frikacak, – kujton. – Lashë armën, hipa në një taksi dhe u largova. Doja të kthehesha në bazën time në Çeçeni dhe zyrtarisht të jepja dorëheqjen, kisha lajmëruar edhe policinë”.
Grupi i Yefremov u transferua më pas për të ruajtur “një seli logjistike” në qytetin e Bilmak, në verilindje të Melitopolit.
Këtu ai ishte dëshmitar i marrjes në pyetje dhe keqtrajtimit të të burgosurve ukrainas. “Një ditë u sollën atje tre të burgosur. Njëri prej tyre pranoi se ishte snajper. Duke dëgjuar këtë, koloneli rus humbi mendjen. Ai e goditi, i uli pantallonat ukrainasit dhe e pyeti nëse ishte i martuar. ‘Po’, u përgjigj i burgosuri”.
“Atëherë dikush më merr një leckë”, tha koloneli. “Ne do të të kthejmë në një vajzë dhe do t’ia dërgojmë videon gruas tënde”.
Një herë tjetër, sipas Yefremov, i njëjti kolonel i kërkoi një të burgosuri të emëronte të gjithë nacionalistët ukrainas në njësinë e tij.
“Ukrainasi nuk e kuptoi pyetjen. Ai u përgjigj se ushtarët ishin këmbësoria detare e Forcave të Armatosura të Ukrainës. Ata i hoqën disa dhëmbë për këtë përgjigje”.
Yefremov shpjegoi se i burgosuri ukrainas kishte një sy të lidhur. Koloneli i vuri armën në ballë të burgosurit dhe i tha” ‘Numëroj deri në tre dhe pastaj do të të qëlloj në kokë’. Ai numëroi dhe më pas qëlloi vetëm në anën e kokës, nga të dyja krahët. Koloneli filloi t’i bërtiste. Unë i thashë: ‘Shoku kolonel! Ai nuk ju dëgjon, e keni bërë të shurdhër!”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje