.png)
Gazeta Si – Zhytësit e marinës amerikane gjetën një pjesë të balonës spiune të rrëzuar në brigjet detare të Karolinës së Jugut të shtunën.
Komanda e operacionit ka publikuar foto të rikuperimit të mbetjeve që analistët e inteligjencës shpresojnë se do të jetë të rëndësishme, pra plot informacion mbi teknologjinë e përdorur nga Pekini për të spiunuar dhe mbi materialin e mbledhur nga sonda gjatë fluturimit të saj në territorin amerikan. Për momentin, vetëm mbetjet e kanavacës së balonës dalin nga portofoli i imazheve.
Diçka më shumë për pajisjet në bord, Uashingtoni do të duhet të zbulojë së shpejti, për të vërtetuar tezën se spiunazhi komunist ka tentuar një grusht shteti të bujshëm, pikërisht në kohën kur Xi Jinping po përgatitej të priste Sekretarin e Shtetit, Antony Blinken në takimin e parë ballë për ballë të një niveli kaq të lartë për pesë vjet.
Mbetjet teknologjike të nxjerra nga Atlantiku, do të ekzaminohen gjithashtu nga specialistë të FBI-së.
Amerikanët mbajtën konferenca të inteligjencës me dyzet vende aleate, për t’i informuar mbi planet për operacionin me balonë të kryer nga Pekini. Sipas kundërzbulimit të Uashingtonit, kinezët kanë ngritur një flotë me balona me bazë në ishullin Hainan.
Ndërkohë që marina amerikane hoqi balonën nga oqeani, Ministria e Mbrojtjes e Kinës nuk reagon për t’iu përgjigjur një telefonate nga Pentagoni.
Lloyd Austin, kreu i Pentagonit, i kishte propozuar një intervistë në “linjën e dedikuar” homologut të tij Wei Fenghe, por “për fat të keq nuk mori asnjë përgjigje”.
Kështu deklaroi gjenerali Patrick Ryder, zëdhënës i Mbrojtjes së SHBA-ve. Në Uashington ata janë të sigurt se zemërimi i paralajmëruar nga kinezët do të qetësohet: “Ne besojmë në rëndësinë e mbajtjes së linjave të komunikimit të hapura midis Shteteve të Bashkuara dhe Republikës Popullore të Kinës për të menaxhuar marrëdhëniet me përgjegjësi, veçanërisht në kohë si kjo”, – përfundoi Ryder.
Balona shkaktoi reagime të forta politike në Uashington dhe kryediplomati amerikan, Antony Blinken, lajmëroi shtyrjen për një moment tjetër të një vizite në Pekin, që të dyja vendet kishin shpresuar se do të ndihmonte për përmirësimin e marrëdhënieve të tyre të vështira.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje